انا يا جماعه هطرح مشكلة
بس مش هخش باسم مستعار
لكن المشكلة فينا احنا
ايه رأيكم في الانسان اللعوب واللي بيخدع الناس باسم الحب ويوهمهم بيه
ومش بس كده بيحكي له علي كل شئ ويعيشه مشاكله
وبعد كده يكتشف ان الانسان ده
بيعمل نفس اللي عملوا معاك مع غيرك وبيوهم بردك بالحب وبيحكلهم علي مشاكله واهله واخواته ويبعتلهم صوره ورقم تليفونه ويهوهمهم بالحب والزواج
المشكله دية مش مشكلتي لوحدي بل مشكلة ناس كتير انضحك عليها باسم الحب
هههههههههههههه
امال بقي لو كانت الي بيقوم بالعمل ده بنت وليس ولد يبقي ايه الحل
انا هحكي لكم علي المشكلة وانتوا لكم حرية الاراء
كنت بكتب علي منتدي ما وكل يوم لما الاقي حد علي المنتدي
ببعت له رسالة خاصه يشارك في موضوع معين
وفي يوم بعت رسالة لبنت تقرأ موضوع معين
فوجئت انها بعتت رسالة تقولي انه كان نفسها تتعرف عليا من زمان
رغم انها اصلا داخله المنتدي عن طريق ابن خالي وهيه متعرفش انه ابن خالي
ولاني عندي خبرة في الحياة قولت اوك هشوف البنت دية اخرتها ايه
وتكلمت معاها وفي ظرف يوم واحد تصوروا يوم واحد قلنا لبعض بحبك وهم اسمه الزواج
هههههههههههههههههههههههه
وارقام موبيل ورنات في وش الفجر
وحب بقي وكلام من ده كتير
وصور تتبعت علي الايميل رغم انها بعتت صورها الا انها عمرها ما طلبت صوري ليه لانها اصلا معتاده تبعت صورها للكل وتشتغل الكل
وانا بصراحه قولت اشوفها اخرتها ايه
وتكلمت مع ابن خالي
وقولت له ان الموضوع كذا كذا
قالي صورها عندي
ونفس الطريقة اللي اتعرفت عليك بيها هي نفس الطريقة اللي اتعرفت عليه بيها ايضا
ورغم انها لما قولت ليها انه ابن خالي قالت مفيش بيني وبينه شئ وهو اصغر مني وعمري ما افكر فيه
الا اني اكتشفت ان ابن خالي متعلق بيها
ولما واجهتها بالكلام ده بعدت ولا بقت تتصل ولا بقت تسأل عارفين ليه لانها لقيت حد تاني تضحك عليه ومش هو بس فيه غيرة وغيرة
وعلي فكرة انا عمري ما كنت هرتبط بانسانه بتتعرف كل يوم علي شاب جديد عن طريق الرسايل الخاصه او النت لان عمر ما هيكون فيه ثقة فيها ابدا لانها انسانه لا تستحق الاحترام
واي شاب مكاني مش هيرضي با بنت بالمواصفات دية
ومن فترة بسيطة بعتت بتقول انها مسافرة برة لانها هتتجوز
وبعدها بفترة قالت لأ مش هسافر لان خطيبي رجع
طيب وانا مالي يرجع يروح يسافر يقعد المهم اللي عاوز اوصله لكم انها خداعه وكدابه
وسؤال لكل بنت اذا ربنا كرمك بانسان بيحبك ليه متتغيريش علشانه وليه متحافظيش عليه وتصونيه في غيبته ليه متبدأيش من جديد وتحققي حلمك وحلم كل فتاه بالزواج ؟
حتي لو كانت حياتك وحشه بدل ما تبدليها تتمادي فيها ؟
انا عاوز رأيكم في الموضوع ده
وعاوز حلك للمشكلة يا ساحرة العيون يا حلالة العقد
وتقبلوا مروري وعلي فكرة الموضوع ده بحكيه لاستفادة
لان اكيد المشكلة دية حصلت معاكم
الجمعة نوفمبر 16, 2007 1:11 pm
